MUNISIPYO NI D
September 23, 2009 by champoyupee
Carl Jamie Simple S. Bordeos
September 23, 2009
‘Perdi kit, lingkod kit’
An motto in life ni D.
‘Perdi kit, lingkod kit’
Sa munisipyo san Lavezares.
Munisipyo san mga tawo
An munisipyo para sa Lavezaresnon.
Niyan iya na munisipyo
Munisipyo na san sayo nga D.
Pagbabag-o!
Panawagan san mga taga-luyo.
Mayda gud man pinagbag-o
Kay an perdi mao an pinalingkod.
Kay nano nga nasugad?
Nga an ungod na iginboto san kadam-an
Mao na lugod an nawarayan san puwesto
Kay nano nga nasugad?
Nga an sayo nga ilehitimo ngan peke
Mao na niyan an may poder.
Kay nano nga nasugad liwat?
Nga an iba nga Lavezaresnon
Nagpapakabuta-buta, nagpapakabungol-bungol.
An iba lay ministers pa gud, an iba mga kag-anak man unta
Pero an nahinabo sa hinigugma nga bongto, bale wara la sa ira.
Mga Kristiyano kuno sira,
Mao man daw an bagaw nira.
Nakumpisal, nakumulgar
Nangadyi, naserbi sa simbahan
Pero an nahinabo sa mga Lavezaresnon nga naato
Para sa kamatuoran ngan hustisya, ira la piniyungan.
Kaya ‘Perdi kit, lingkod kit’
Nga motto in life ni D
Binari an ungod nga boses, binari an ungod nga panawagan,
Binari an ungod nga hibi san Lavezaresnon.
Imo ba nabati? O nagpapakabungol ka liwat.
Imo ba naimod? O talaga buta ka gud.
Nahinabo sa imo hinigugma nga bungto
Waray la sa imo.
Hain man an medya? Hain na man an kapolisan?
Nga mao kunta an magseserbi san katawhan.
Hain na man sira?
‘To serve and protect’
Iton an sugad san mga polis
Pero kabubuwaan man la ngay-an iton liwat na motto nira
Kay sa ungod la
An ira liwat motto in life
Mao an ‘perdi kit, lingkod kit’ ni D.
Ira igindiwara, Nga an ira gud ungod nga motto
Mao an ‘To serve and protect’
Pero an ungod ngay-an
An ‘powerful’, dire an ‘people’
An ira ginserbisyohan.
Si D, sugad san Makagarahum.
Sa saday nga poder ngan gahum nga iya kapot-kapot
Ngan iginpahuram la sa iya san mga Nortehanon ngan Makagarahum
Ginamit sin ura-ura para an iya motto in life, matuman, og masunod.
Sin-o ngay-an si D?
Kila ba niyo siya?
D as in d—–o?
O, D as in d—l?
Kamo na an pag-igoigo
Basta si D
Para sa ako, sayo nga kawatan.
Honorable nga titulo dire naangay sa iya
Kay munisipyo san Lavezaresnon
Niyan iya na munisipyo.#
